Syarat Syah Shalat

Syarat sah sholat secara syariat/syari’ah :

1. Beragama Islam.
2. Baligh (bagi lelaki telah bermimpi sehingga keluar sperma, dan telah haidh bagi perempuan).
3. Suci, bersih badan-pakaian-tempat dari najis serta dari hadas besar dan hadas kecil.
4. Masuk Waktu sholat.
5. Menutup aurat
6. Menghadap qiblat.
7. Mengerti / tahu bahwa sholat itu wajib (fardhu) atau sunnah.
8. Dimulai dengan takbir diakhiri dengan salam.
9. Menjauhkan diri dari hal-hal yang membatalkan / merusak sholat.
10. Tidak gila atau dalam keadaan hilang ingatan.

Syarat syah sholat secara Tarekat/Thariqoh :

Kurang sempurna sholat seseorang apabila dilakukan :

• Tidak di awal waktu. (QS. 4 ayat 103)
• Tergesa-gesa, tergopoh-gopoh. (QS. 4 ayat 142)
• Tidak berusaha untuk khusyu’ atau sedikit sekali ingat kepada Alloh di dalam sholatnya. (QS. 20 ayat 14)

Syarat syah sholat secara Hakikat/haqiqoh :

Kurang baik sholat seseorang apabila tidak berusaha mengajak orang lain dan lingkungannya untuk :

• Tidak syirik dan tidak 100% kufur kepada Alloh SWT. (QS. 3 ayat 18 dan 104)
• Berakhlakul karimah / berbudi pekerti luhur. (QS. 29 ayat 45)
• Membaca, memahami, melaksanakan dan mencintai Al Qur’an dan Assunnah. (QS. 2 ayat 159-160)

Syarat syah sholat secara makrifat/ma’rifah :

Kurang sempurna sholat seseorang apabila sholat yang dikerjakan tidak membawanya untuk lebih :

• Kelebihan dan kekurangan diri sendiri. (QS. 51 ayat 21)
• Asma dan sifat-sifat Alloh SWT. (QS. 59 ayat 22-24)
• Mencintai Alloh dan RosulNYA, dan untuk lebih cinta kepada mati syahid atau minimal mati dalam keadaan sujud daripada siapapun dan apapapun segenap isi dunia. (QS. 9 ayat 24)

Demikianlah,

Wallohu a’lam bisshowab..

~Al Faqir syuhada al aqse Fauzan al Musyahadah~

Mulai Dari Mana ?

Seorang murid baru (MB) yang idupnye kagak keruan, untuk pertame kalinye hadir di pengajian bulanan “abah Jimmy’”(AJ). Abis ngaji, die nanye ame si abah :

MB : Assalamu’alaikum bah.. (sambil nyium tangannye si abah nyang wangi minyak nyong2)
AJ : Wa’alaikum salam Warohmatullohi Wabarokatuh… ane baru liat ente nih…
MB : iye bah, ane baru sekali ini dateng ke pengajian ini..
AJ : oh… pantesan. ane demen kalo ade anak mude nyang mao ngaji. ade ape kali ?
MB : ane kepengen bener2 jadi muslim nyang baek. sebaeknye ane mulain dari mane ye ?
AJ : Perbanyak dan benerin istighfar ente..
MB : Istighfar nyang pegimane bah ?
AJ : tiap hari ente bace Astaghfiulloh seratus kali sebelon shubuh…
MB : trime kasih bah… ane pulang dulu…. (nyium tangannye si abah)… Assalamu’alaikum !

Pengajian bulan berikutnye :

AJ : gimane istighfar ente ?
MB : Alhamdulillah bah… trus, ane kudu pegimane lagi nih ?
AJ : ente trus aje kerjain ntu istighfar sambil mulain deh ente benerin tata cara ente mandi junub….
MB : Nah loh… ane pan masih bujangan ?
AJ : iye ane juge tau… kalo elu mo sholat jum’at emang elu kagak mandi dulu? nah… setiap hari jum;at mandi junub ini kudu kite kerjain sebelon masuk waktu sholat jum’at. wajib nih …..
MB : ooh.. begitu ye bah…. emang ape bedanye sih, mandi junub ame mandi biase ?
AJ : kalo mandi biase mah buat sehat dan seger badan doang, tapi kalo mandi junub adalah mandi ritual nyang di ajarin rosul kepade ummatnye, tentu aje kalo elu kerjain bukan cuman badan doang nyang sehat dan seger. tapi juge rohani lu, jiwa lu jadi sehat dan seger. mandi junub ini dikerjain kalo suami istri abis ‘berhubungan’ . wajib hukumnye. nah nyang gue prihatin masih ade orang islam nyang gak tau caranye mandi junub. nyang die tau pokoknye mandi trus keramas. padahal udeh berumah tangga betaon-taon. ck..ck..ck sedih gue.
MB : ngomong2, caranye gimane bah ?
AJ : sini luh deketan dikit…. biar gue contoin… (si abah pun mulai memperagain tata cara mandi junub/janabat)

Pengajian bulan ketige buat si Murid Baru :

AJ : ane yakin ente masih ngerjain istigfar ame mandi nyang ane ajarin…
MB : Alhamdulillah, berkat do’e abah juga….
AJ : sekarang ane mo liat wudhu ente… coba deh ente praktekin di depan ane… ayooo… belajar, gak usah malu2….
MB : kalo ane wudhu begini nih bah… (MB pun memperagain caranye berwudhu. Tapi belon juga sampe kaki….. si abah menyela..)
AJ : ente belajar wudhu dimane ?
MB : ane bace buku trus ngeliatin orang-orang aje, emang ngape bah ?
AJ : berantakan banget wudhu luh…. se-sempuna2nye sholat tergantung sejauhmane sempurnanye wudhu… nih gue ajarin, liat baek2, kalo belon jelas tanya aje…! ( si abahpun memberi contoh tata cara wudhu yang sesuai dengan AL Qur’an da Assunnah)
MB : trime kasih bah…
AJ : Jangan cuman beterime kasih ame gue doang…. terime kasih ame Alloh SWT…. ngerti ente ?
MB : iye bah… ane pulang dulu…assalamu’alaikum !

Pengajian bulan ke-empat :

AJ : gimane kabar ente?
MB : Alhamdulillah… baek bah… abah gimane ?
AJ : Alhamdulillah….. sekarang ente udeh kudu tau pegimane gerakan2 sholat nyang bener….. nih ane contohin….. (selesai ngasih contoh gerakan2 sholat nyang sempurna… si abah pun menyuruh Murid Baru untuk menirukannya, langsung praktek di hadapannya)….

bulan ke lime :

AJ : sini tong duduk deket gue…..
MB : iye bah…..
AJ : mulain sekarang ente kudu lebih rajin infaq dan sedekah….
MB : sebaeknye infaq dan sedekah itu ame siape ye bah ?
AJ : lu cari tetangga lu atawa orang dikampung lu nyang rajin bejuang buat islam atawa nyang rajin ibadah dan gak pernah minta2 ame orang padahal die itu miskin / kelaparan.. lu bakalan suseh nyarinye, karena orang seperti ini gak pernah nunjukkin kemiskinannye…
MB : Kalo ane gak bise nemuin orang nyang kayak begitu.. gimane bah ?
MB : ente sedekah ame nyang miskin atawe ame anak yatim…. utamain keluarge dulu.

Pengajian bulan kenam :

AJ : kayaknye usahe ente tambah maju aje….
MB : Iye, Alhamdulillah…. abah koq tau…
AJ : Kemaren ane lewat depan kantor ente… lagi di bangun. mo di tingkatin ye ?
MB : iye bah… abis belon punye lahan nyang baru, harge tanah sekarang mahal banget, ape lagi di pinggir jalan… ya udeh di tumpuk aje tuh kantor.. hehehe..
AJ : nah, idup lu udeh lebih dari cukup… umur lu udeh cukup..cepetan deh lu kawin… jangan sampe keduluan setan gundul….haha..
MB : emang rencanenye sih abis lebaran haji ane mo nikah….
AJ : Bagus deh tong kalo begitu mah…. ane minte ame ente jangan ampe males2 dateng ke pengajian, trus aje ngaji dan ngumpul ame para ulama… ngaji jangan cuman ame gue doang, bise2 kayak kodok dalem tempurung luh… cari elmu kemane aje, kepade siape aje asalkan bise nambahin semangat lu buat beribadah. ngaji di mane aje, kepade siape aje asalkan bise nambahin keikhlasan lu, asalkan bise ngerubah sifat buruk lu menjadi baek. ngaji kemane aje kepade siape aje asalkan bise nambahin semangat buat perjuangin agame nyang mulie ini…..

and the light life go on ………..

~al Faqir syuhada al aqse Fauzan al Musyahadah~

Berpakaian

berpakean ntu ade dua macem…
nyang pertame, bener-bener berpakaian…. nyang kedue, pora-pora doang berpakaian .. maksud gue, berpakaian tapi telanjang, berpakaian tapi ngablak, berpakaian tapi ketat banget sampe bikin gue nafsuhh… maksud gue, nafsuh pengen ngejitak.. he he.. soalnye, bodi-nye ancur bangett… hi hi hi …
nggak, nggak.. gue cuman becande doang.

baju, topi, sendal, sepatu, celana, celana dalem, kaos kutang… apaan lagi sih ? poko’nye pakean dah !

Tata Cara Berpakean :
~ sebelonnye berdo’a dulu.. “Alohumma inni as aluka min khoiri wa khoiri ma huwalahu.. wa a’udzubika min syarri wa syarri ma huwalahu..”
~ pakean kudu ngeduluin bagian kanan, misalnye masukin baju ke tangan kanan duluan.
~ ngelepas pakean usahain bagian kiri dulu, misalnye ngelepas sendal atawe sepatu kudu kaki kiri duluan.
~ abis ntu berdo’e, “Alhamdulillahiladzi laa ilaa ha illa huwa..”
~ gitu doang…

pesen khusus buat diri gue pribadi : se…Jangan ngaku ahli sunnah, ato lebih kasar lagi, jangan ngaku muslim, jangan ngaku ummat muhammad SAW kalo nyang sepele kyk gini aje lo gak kerjain ato lo lupa mulu…  malu lagii..

`al Faqir aqse syahid’

A     : Woy…woy.. jangan slanang-slonong aje ! emang lo gak tau caranye ?.
B    :  tau sih tau, caranye… tapi lupa mulu nih…
A    :  ohhh… lupa. kyk manula, pikun. he he he B    :  Bodo ah…  namanye juga manusie.

Tata Cara Ke kamar mandi / wc :

~ berdo’a sebelon masuk. “Allohumma inni a’udzubika minal khubutsi wal khobaaits”
~ masuk dengan langkah kaki kiri.
~ keluar dengan kaki kanan terlebih dahulu.
~ berdo’a setelah keluar.. “Alhamdulillahiladzi adzahaba ‘anil adza wal ‘afani”
~ gitu doang.. gampang khan ?!

Jangan ngaku ahli sunnah, ato lebih kasar lagi, jangan ngaku muslim kalo nyang sepele kyk gini aje gak dikerjain ato lupa mulu… he he he. …. berdebat paling pinter, banyak hapal ayat Qur’an, tapi masuk kamar mandi slanang-slonong… hi hi hi … malu lagii..

gitu aje dehh

Al Faqir Syuhada Al Aqse Fauzan al Musyahadah

Tanda-tanda apabila kita dicintai Alloh SWT

Segale puji bagi Alloh SWT, satu-satunya Tuhan semesta alam…
sholawat dan salam senantiase tercurahkan kepade Nabi muhammad SAW,

Tiade ade kebahagiaan hakiki selaen tahu kalo Alloh SWT mencintain kite ..
iye gak sih ?

Apakah Alloh SWT, (satu2nye Tuhan nyang berhak disembah, dipuja-puji) mencintain kite ?
kite sendiri nyang bise ngejawab pertanyaan itu …

12 tandanye kalo kite di cintain ma Alloh SWT :

1. Sulit untuk jatoh cinte kepade isi dunie dan kepade calon ahli norake, walopun cantik, kaye, ganteng, menarik dan hebat rayuannye.
2. Dermawan, murah hati, gak sedikitpun takut laper-takut miskin melainkan yakin dengan jaminan dan garansi dari Alloh SWT .
3. Bersih otaknye dari fikiran kotor, jahat dam mesum. Jernih hati dan emosinye dipenuhin cinte dan kasih sayang.
4. Punye kekuatan luar biase untuk ngegunain malem2 nyang dilewatinye dengan memohon ampun. Dan yakin 100% bahwe taqdir baek berpihak kepadanye setiap hari.
5. Senantiase jauh dari prasangka buruk serta selalu waspada dan mawas diri di setiap tempat dan keadaan.
6. Luar biase berani karena benar, sangat takut ngelanggar hukum2 Alloh.
7. Gampang banget maafin kesalahan2 orang laen dan Selalu mampu ngebales kejahatan dengan kebaekan, minimalnye dengan doa nyang baek2.
8. Sibuk berbenah & beristighfar atas dosa, aib, dan kesalahan2 pribadi sampe-sampe gak sempet lagi ngeliat cacat, aib, dan dose2 orang laen.
9. Menyesal luar biase kalo meninggalkan sholat, amalan wajib dan sunnah laennye nyang sebenarnye mampu die kerjain.
10. Tumbuh rase cinte kepada Nabi Muhammad SAW beserta keluarga dan para sahabat2nye.
11. Benci dengan kemunkaran, kemaksiyatan, kedzholiman. dan Benci dengan Iblis dan pasukannye baek dari golongan jin dan dari golongan manusie .
12. seneng ngebace, ngedengerin kajian dan bacaan Al Qur’anul Karim.
    

gitu aje …
nyokk kite pereksa diri kite masing2..
gak usah pake nunjuk2 kanan kiri, tunjuk aje diri kite kendiri ….

Wallohu a’lam bisshowab…

~al faqir syuhada al aqse fauzan al musyahadah~